الشاعر محمد خالدي / دعاء …

الشاعر خالدي محمد أبو مروة، الجلفة، الشعر الشعبي الملحون، أولاد نايل، تراث عربي هلالي إدريسي، Djelfa, Ouled nail

محمد خالدي

طاح الغيم ودار تخــــراص مســـــدد

وتحد علـــينا الوهــــي وخلّـــــــــيناه

اتوازير مهدعة وســــراب تهـــــــد

واللي هامل ع الوكر لا من يلـــــــقاه

الكبدة في ڤفــــصها بدرت تكــــــرد

وردوات تخيطت دونـــــــو وحـــذاه

زاد السني على مرافيد الــــمــــرؤد

متفرش صهد الجمر وتحط ســـــماه

بان سوالي كي نســـــقسي محــــمد

ياااااامرسم لي هاض بــــرو بكيناه

يتبرم من لي نطح ناوي يجــــــــحد

وسكاتو فضح المدٌرڤ وقريـــــــناه

الدمعه من العين سالت فــوڤ الخد

وسوالي لبس الخطا بعد ان ڤلـــناه

تدركش وفوارها كاسح يصـــــــهٌد

شفنا وســمعنا الخافي حــــــسيناه

يا من بيك اللي فطن واللي يـــــرڤد

واللي دبت فالخفى واطي وعـــلاه

واللي شڤت مع البحر سكن الجامد

واللي خلقت فالصحر والحر قطاه

يسيسٌع ڤلــــبي والدقايق تتــــــجدد

واللي واجي من الحمل نلڤاو دواه

نبكي بكي اللي سيولو ما تـــــبرد

ني ســـبٌخ منو الڤرزي فوڤ نداه

لا على لي رامت خدودي تهـــمد

واللي زنٌد فالشفر ينشف من ماه

اللي شڤت في خدودي تتــــــلمد

ويطيحو من شنڤت القانط مڤواه

ونلبس ثوب من الهبال اللي يرفد

ونقيبو علي ملا ڤلبي بشـــــــقاه

نسركب لا كان مسكوني يــرعد

يترجو بيه الڤــــــــوايم كي نلقاه

ونضم اكفافي من الصفعات ترد

والمكتوب يجرها رايو نهـــــداه

نبني دعوه عالمرافڤ تـــــــترفد

ونشتت حفنات مكسيه بالجـــــاه

ونعيٌط فالبر والـــكاف يــــــردد

ونريش علي درڤ بعد ان شفناه

 14 المشاهدات,  1 شوهد اليوم

الوسوم:, ,

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *