الله لا مرسول نعطيه برية / للشاعر المجاهد لخضر جعيدير رحمه الله

الشاعر لخضر جعيدير، الشعر الشعبي، الشعر الملحون، الشعر البدوي، أولاد أمهاني، أولاد لخضر، أولاد نايل، التراث العربي الهلالي الإدريسي، الجلفة، Ouled Nail, Djelfa

لبوخ بلقاسم

هذه قصيدة صنعها الشاعر المجاهد “لخضر جعيدير 1942-2021″، رحمه الله، في مدح أصدقاء له من أم الشڨاڨ:

باسمك يا لطيف يا عال العليا *** سَهّلّي وزن القوافي نبداهم
الله لا مرسول نعطيه برية ***في الڨديد أحباب ڤلبي يصفاهم
أتوحشت ووحشهم طال عليا *** هذي مدة طايلة ما شفناهم
إذا كذّبت تزورهم وارجع ليا *** فرسان البارود ثمة تلڤاهم
إذا خرجوا في ملابس همية *** بالفوشي والسيف رهبة لعداهم
ڤهڤرين الظلم في كل ثنية *** لا من يقدر بالبلا يتحداهم
سادات المعروف راجل وأولية *** هل همة ربي من الخير عطاهم
أسقيهم بالغيث يا عال العليا *** أتعم الخيرات يتوفر ماهم
عيون الحُساد عنهم معمية *** وطوّع الأولاد وتحد بلاهم
أحفظهم يا خالقي يا مولايا *** بالرجالة والذراري ونساهم
تبني عنهم سور يا عال العليا *** يبقاو في لعراش مرفوع شناهم
الله يرحم من بدا ذا التسمية *** في العرش أولاد أمهاني سماهم
أنوريلك وين يا سامع ليا *** وانعتلك وين ناسي تلڤاهم
سكّانين أم الشڤاڤ المسمية *** في قُرب الحرشا الطويلة مرعاهم
الحاج محمد مع أولادو جمعية *** الحاج أمحمد في العلا راه حذاهم
الجلالي اللي بلادو شرڤية *** أهل الهمة في ساحتي نتمناهم
أهل الجودة والكرم واللزميا *** رحابين بضيف ربي إذا جاهم
نقص الجهد وصحتي خانت فيا *** لا قوة لا مال عندي نصفاهم
نزهى باحبابي إذا دارو بيا *** وين نصد أسياد عيني نلڤاهم
بن عيسى شيفورها سايق بيا *** نتمنى نا والسعيدي نصفاهم
من عند جعيدير ليكم هدية *** ولو كان قلال عنكم جبناهم
الحاج محمد ليك مني هدية *** أبيات الشعر عليك وأنت تسواهم
أنا ليكم جيت زاير بالنية *** نشفى من لمراض ويفيد دواهم
نختم بالصلاة عن سيد رقية *** صلوات عليه قد أن يرضاهم
عدد اللي ميتة واللي حية *** عدد الوحوش وبحور وماهم
في الفردوس إن شاء الله نا وإياهم

المصدر : لبوخ أبو القاسم (بتصرف خفيف)

الشاعر لخضر جعيدير، الشعر الشعبي، الشعر الملحون، الشعر البدوي، أولاد أمهاني، أولاد لخضر، أولاد نايل، التراث العربي الهلالي الإدريسي، الجلفة، Ouled Nail, Djelfa

الشاعر لخضر جعيدير بن الدراجي، الشعر الشعبي، الشعر الملحون، الشعر البدوي، أولاد أمهاني، أولاد لخضر، أولاد نايل، التراث العربي الهلالي الإدريسي، الجلفة، Ouled Nail, Djelfa

 103 المشاهدات,  1 شوهد اليوم

الوسوم:, , ,

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *