مع الشيخ محفوظ بلخيري/ من قصيدة “محاورة القلوب”

المحفوظ بلخيري، أولاد نايل، الجلفة، الشعر البدوي، الشعر الملحون، مسعد الجلفة Ouled Nail

بهناس محمد

لزوّار الطلول هذه الأيام … الشيخ بلخيري محفوظ من قصيدة “محاورة القلوب”

زرت المضرب ظان نلڨى فيه الطّب *** ونتهنّى من ذي المحاين وعــياها

حيــن ان زرتو قــاظني نلقـاه اجرب *** وزاد على همي محـــاين قــوّاها

عدت نحقّق في البـــلاصة ونكــوذب *** نروح ونرجـع نسأل اللي نلڨـاها

يا مرسـم لحـــباب وش بيــك مكبكب *** وأرضك ڨفرة وين يرتع مولالها

قـــطّى بلادك ضيم من راعي لشهب *** وعــــاد مع البكرة يرّوم يغشاها

يتــــلاحڨ دكســـو مع لغصـان اطّب *** تعود الشجرة ما يلاوم من جاها

وتـــولّي لوعــــال من حــرّو تڨــنب *** تحت احجار مشوّطة فتحت فاها

سعــــدو كيكح طـــالع الذابـح خربب *** وتغذّت منـــو السجرة وســـواها

من شــــاوو ليــــام عــــنو تتســـبّب *** كفحــــت عنو سڨـــداتو بڨفـــاها

حســراه على وقت فات زمان عڨب *** غـــــايلنا وامشى بلـــعمار ادّاها

ما فقــــنالو مــا فهمــــنالو مــــدرب *** وما ڨلنا ليــــام تلحق بضنـــــاها

 97 المشاهدات,  1 شوهد اليوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *