الحنين إلى الصحاب والديار للشاعر الحاج عيسى بلخامد

أولاد نايل القوافل التجارية الأسواق الصحراء الجلفة تراث عربي هلالي إدريسي Ouled Nail

عدة خلوفي

وكان من أمره أنه كان بعيدا عن مضارب قومه , مقيما بالقرارة، ولسنا نعلم أكان ذلك استيطانا أم انتجاعا ؟ … فشدّه الحنين إلى موطنه عين الابل وإلى أهله وأصحابه فبعث بهذه الرسالة القصيدة إلى صديقه الخيراني يستخبره ويخبره ويبثه شوقه إليه وحنينه إلى الوطن ..

وقد ذكر صاحب التحقيق المتكامل سي الميلود قويسم ..أن المايدي والكرداوي اللذين ورد ذكرهما في البيت الأخير من القصيدة، هما الحاج محمد زبيدة بن أحمد بن الأطرش، وكان قد استوطن عين الابل عام 1918 ومكث بها أكثر من اربعة عقود، لينتقل إلى الجلفة وذلك عام 1961 … أما الثاني فهو الحاج المسعود تومي بن العيد , وقد نشأ في عين الابل ثم غادرها إلى الجلفة سنة 1965 ..

ولأنا لا نعرف تاريخ القصيدة فإن ما أشار إليه سي الميلود يوحي أنها صنعت بعد 1965 بزمن يقل أو يطول … ولعل متابعا يقرأ القصيدة فيفيدنا بتاريخها ويعرفنا بصاحبها 

القصيدة:

الخيراني هذا اجواب بعثتو ليك *** هاهو فيه اشعار قلت بكلامي 

اتوحشتك ما صبرتش قع عليك *** في الكبدة حسيت ثاقب مشعالي 

عدت انشوفك في المنام ونحلم بيك *** والدمعة ع الخد سالت ودياني 

سال على برهوم واللي يقرب ليك *** وسال على لولاد طفلة وذراري 

وسال على الذايدي خويا واخيك *** وما تنساش تزيد حتى التجـــــــاني 

ضاقت روحي في القرارة لا يبليك *** وتوحشنا تقصيركم ذوك الليالي 

يا الخيراني سالني ونعيد عليـــــك *** أنا ضري راه ساكن دخلاني 

وانوريك اسرار ما نجحدش عليك *** خليني في حالتي كيما راني 

يا صديقي روح بعد لا نعديــــــك *** لا يجرالك كيما راه اجرالي 

ما عنديش جنحين باه انفر ليك *** ما عنديش المال لا حد ادالـــي

يا عيسى شد الصبر ربي يهديك *** هذا الشي راه اقسام من عند العالي 

ويلا حب رب في ساعة يعطيك *** واتولي موركانتي راجل غاني 

تمشي تشري طاكسي ليهم تديك *** في عين البل ثم عزي وادلالي 

 تلقى ذيك الحماعة تفرح بيك *** والحمد للرب ضرك كي شفت احبابي 

يا الخيراني شوفلي حوش مساميك *** تسكن فيه العايلة هي وولادي 

عين البل يا راحتي ماني ناسيك *** ياك انت ابلاد بويا واجدادي 

بكري كنت شايعة والناس تجيك *** وناسك جودة يفرحو بالبراني 

ياسر من تجار دارت نصبة فيك *** وارحل منها المايدي والكرداوي

المصدر: التحقيق المتكامل لسي الميلود قويسم

 190 المشاهدات,  1 شوهد اليوم

اترك تعليقاً

لن يتم نشر عنوان بريدك الإلكتروني.